حل اعطال لايشعر بالشاحن بكوبري واحد لجميع اجهزة النوكيا

هانحاول النهارده نتكلم عن عطل مهم في دايره الشحن وهوه
الجهاز لايشعر بالشاحن
بمعنى ان الجهاز لماتوصل فيه الشاحن لازم يدي رساله علي الشاشه انه حس اوشعر بدخول شاحن في الجهاز وبالتالي هايدى اى اشاره علي الشاشه انه بدأ يشحن او علي الاقل هايطلع صوره البطاريه ولو في مشكله مش هايشحن بس هايدينا رساله ان الجهاز حس بدخول الشاحن
العيب بتاعنا النهارده مالوش دعوه بالشحن المتوقف او اعد توصيل الشاحن
احنا هانتكلم عن الجهاز اللي مابيحسش باي حاجه لما توصله الشاحن بس
طب ياتري العيب ايه
مع بعض كده نتعرف علي دايره الشحن
دايره شحن اى موبيل بتبدأ وتمشي بالطريقه اللي هانقولها
هانتكلم عن الدايره بطريقه فنيه اكتر ومش هانتكلم بطريقه هندسيه يعنى من الاخر كده هاشرحهالكم بالبلدى وياريت نركز مع بعض
اول مابوصل الشاحن في العده بيركب في سوكيت الشحن
بتبدأ الكهربا تتنقل من سوكيت الشحن بتعدى علي الفيوز بتعدى علي ملف الشحن وبعد كده بتعدى علي ملف او v وهوه بيبقي عباره عن ملف 2 رجل بيكون شكله معروف في كل الموبيلات بعد كده بيدخل علي كام مكثف وبعد كده علي اي سي الشحن
عارف انكم مش هاتفهمونى
طب بالبلدي ان الجهاز اللي مابيحسش بالشاحن ماوصلتش الكهربا لاي سي الشحن اللي بيتغير من جهاز لجهاز حسب جيله يعنى في العدد القديمه اسمه charge icوالعدد الاحدث اسمه اليو ام الخ.......................
طب انا بقي منزل الموضوع ده ليه عاوز اقولك ان الجهاز لو ماحسش معاك بالشاحن لازم توصل كهربا للاي سي
طب ياعم هاندوخ ليه
هانقيس بقي الفيوز ولا الملف والالخطوط اللي واصله بينهم
لأ انا هاريحك اعمل كوبري الشحن بالطريقه اللي انا هاشرحهالك من نقطه تلامس رجول سوكيت الشحن الموجب الي اخر مكثف قبل الاي سي
طب ازااااااااااااااااي؟نشوف
حل اعطال لايشعر بالشاحن بكوبري واحد لجميع اجهزة النوكيا 942007650

حل اعطال لايشعر بالشاحن بكوبري واحد لجميع اجهزة النوكيا 942007650

[/url]
url=http://www.0zz0.com] ده مثال مثلا جهاز 1200 او 1208 او 1650
دايما الجهاز ده من اشهر عيوبه انه مابيحسش بالشاحن طبعا بنغير سوكيت الشحن لانه غالبا بيبقي الابره بتاعته مكسوره طب افرض غيرته ومااشتغلش؟
هاتعمل الكوبري اللي في الرسم ده مش هاشغل بالك واقولك قيس الفيوز والملف علي وضع الجرس وغير كريستاله الشحن
لا ياعم ارفع اوشيل القطع اللي انا معلم عليهم واعمل الكوبري زى ماهوه بالرسمه
طب نشوف مثال تانى

حل اعطال لايشعر بالشاحن بكوبري واحد لجميع اجهزة النوكيا 675172856

حل اعطال لايشعر بالشاحن بكوبري واحد لجميع اجهزة النوكيا 675172856

ده مثلا 1110 1600 2310 نفس القصه الشغل الصح انك تقيس الفيوز والملف وكريستاله الشحن او الخطوط الواصله مابينهم
طب في ناس ماعندهاش فكره عن القياسات
لا ياعم اعمل الكوبري اللي في الرسم زى ماهوه متوضح في الصوره اللي قدامك
نشوف مثال كمان
حل اعطال لايشعر بالشاحن بكوبري واحد لجميع اجهزة النوكيا 196359492

حل اعطال لايشعر بالشاحن بكوبري واحد لجميع اجهزة النوكيا 196359492

=red]]
ودي صوره الدمعه واللي هانقف شويه عندها الجهاز مابيحش بالشاحن نفس الكلام
هاتعمل الكوبري اللي في الرسمه
طب ملحوظه مهمه مهمه جداااااااااااااااااااااااااااااااااااااااااااااااااااا
اي جهاز dct4مابيحسش بالشاحن اعمل الكوبري من نقطه التلامس الموجب لسوكيت الشحن الي الvابو 2 رجل اللي قدامك وهاتتحل المشكله انشاء الله
طب نشوف مثال كمان
url=http://www.0zz0.com] حل اعطال لايشعر بالشاحن بكوبري واحد لجميع اجهزة النوكيا 113611761

حل اعطال لايشعر بالشاحن بكوبري واحد لجميع اجهزة النوكيا 113611761

ده مثلا n70مابيحسش بالشاحن زى مافي الرسم اعمل كوبري من نقطه التلامس بتاعه السوكيت الموجب الي المكثف اللي قدامك

طب نشوف مثال كمان

حل اعطال لايشعر بالشاحن بكوبري واحد لجميع اجهزة النوكيا 304042206

حل اعطال لايشعر بالشاحن بكوبري واحد لجميع اجهزة النوكيا 304042206

[/url]
url=http://www.0zz0.com] ده n73نفس الكلام
اعمل الكوبري زى ماقدامك بالرسمه

طب نتكلم بقي مع المحترفين
الناس اللي بتعرف تقيس وتمشي علي مخطط الجهاز علشان ماحدش من بره يعدل علينا
دايره الشحن صممتها شركه نوكيا وعملت فيها وحدات حمايه لاي سي الشحن علشان لو حد ركب شاحن مش كويس او الكهربا ذادت تبقي في وحدات حمايه تحمي اي سي الشحن من ذياده التيار وانه يضرب
طب ايه هيه وحدات الحمايه اللي صممتها نوكيا هيه الفيوز والملف والفاراكتور اللي بنرمزله vوبعض المكثفات اللي رمزها c
بمعنى ان دايره الشحن لو ماحستش بالشاحن بيكون حصل ارتفاع في الكهربا اللي دخلت علي اي سي الشحن وغالبا الفيوز او الملف ضرب علشان يحموا اي سي الشحن انه يتحرق ولازم نغيرهم بعد طبعا مانقيسهم علي الافوميتر علي وضع الجرس
بس معظم اللي موجودين في السوق مالهمش في القياسات طب يعنى من الاخر نقول ان احنا بتوصل خط الكهربا اللي قطع عن طريق الكوبري اللي في الرسومات اللي فاتت
ملحوظات في دايره الشحن واسئله للمبتدئين

لو قيست البورده بعد ماعملت الكوبري ولقيت ان الرجل الموجب لسوكت الشحن هيه والرجل السالب ملمسين علي بعض يعنى معنى كده ان البورده نفسها فيها قفله
طب نعمل ايه لازم ساعتها اعزل الرجل الموجب باي ماده عازله مثال احط علي الرجل الموجب بس حته لاصقه او بلاستر واعمل الكوبري من رجل سوكيت الشحن نفسها الي مكثف الشحن
خد بالك
هاكرر تانى وركز لو الرجل السالب والموجب بتوع الشحن علي البورده بقيسهم لقيتهم ملمسين علي بعض اعزل الرجل اللي علي البورده الموجب باي عازل واعمل كوبري الشحن من رجل سوكيت الشحن نفسه الموجب الي مكثف الشحن زى ماهيه في الرسومات
ملحوظات دايره الشحن هااااااااااااااااااااااااااااااااامه
1- اجرب بأكتر من شاحن علشان في بعض الاجهزه مابتشحنش الا بالشاحن الاصلي
2 - انضف ريش البطاريه واتأكد ان البطاريه سليمه
3 - اتأكد ان سوكيت الشحن سليميعنى رجوله سليمه وملمسه علي البورده كويس لان ممكن الاكسده علي رجول السوكيت تعمل عازل بمعنى ان رجول السوكيت تكون مصديه
4-ممكن اعلي رجول الشحن بقصدير علشان تلمس كويس
5-اعمل اللي احنا شرحناه قبل كده في الرسومات
6- نادر قوى ان اي سي الشحن ممكن يكون عاوز تسخينه او هزه خفيفيفه

يارب اكون وفقت في شرح العطل

لو الجهاز بيشحن ومش عاوز يشتغل بيكون العيب مليون الميه مفتاح الباور بايظ عاوز يتغير
وقريبا موضوع منفصل عن دايره مفتاح الباور

علشان ماحدش يعاتب عليه انا مش ضليع في تصميم الرسومات علي الكمبيوتر وخبرتى محدوده يعنى اى غلط في التصميم مش تقصير منى
يارب الموضوع يعجبكم
الموضوع اهداء منى
لاخويا خالد رحمان ووائل البدوى
اخوكم في الله م- اسامه فضيل الفقي

شكرا اسامة ربنا يباركلك

نورت يا جنـــــــــــــــــــــــــــــــــــــــــــرال

بارك الله فيك

بارك الله فيك وجعله الله في ميزان حسناتك

جزاك الله خير

بارك الله فيك اخى الكريم شرح مبسط لكل الاعضاء

بارك الله فيك اخى الكريم شرح مبسط لكل الاعضاء

merci bien

حل سريع وجميل جدا وربنا يوفققم وشكرن

[url][/url][code] cheers

مشكوروبارك الله فيك

شــــــــــــــــــــــــــــــــــــــــــــــــــــــــــــــــــــــــــــكرا

» اضخم مكتبه كريستالات لجميع اجهزه النوكيا متجمعه من اكتر من موقع
» كل اعطال البلوتوث لجميع اجهزه النوكيــــــــــــــــــــــا
» جميع اعطال Nokia 5500 فى برنامج واحد
» ارجو التثبيت جميع حلول اجهزة نوكيا الجديدة 2010 حصري
» كل اعطال 3120c في برنامج واحد